सांसद यादवको निर्देशनपछि र्सिसिया नदिमा फोहोर तथा दुषित पानी रोक्न् उधोगीहरु सहमत

193

कार्तिक ९,२०७५
वीरगंज । हिन्दुहरुको महान पर्व छठलाई लक्षित गरी र्सिसिया नदिको फोहोर पानी रोक्ने सम्बन्धमा सांसद प्रदिप यादवले हिजो स्थलगत अनुगमनको क्रममा ध्यानकार्षण गराएपछि फोहोर पानी बन्द गर्ने भन्दै वीरगंजका उद्योगीहरुले आज ४ बुँदे लिखित सहमती गरेका छन् । जिल्ला प्रशासन कार्यालय पर्सामा संघीय समाजवादी फोरम नेपाल पर्साका अध्यक्ष एव् सांसद यादवको विशेष उपस्थितीमा वीरगंज उद्योग बाण्जिय संघका प्रतिनिधि लगायतका उद्योगीहरुले फोहोर पानी रोक्ने सम्बन्धमा आज प्रमुख जिल्ला अधिकारी लोकनाथ पौडेल समक्ष लिखित सहमती गरेका हुन् । आज भएको सहमतीमा कार्तिक १८ गतेदेखि छठ पर्व सम्पन नहुन्जेलसम्म उद्योग तथा व्यवयसायिक प्रतिष्ठानबाट निस्किएको उत्सर्जित फोहोर तथा दुषित पानी छाडन् पुर्ण रुपमा बन्द गर्ने, खोलामा दुषित पानी बन्द भएपछि महानगरका अन्य दह र पोखरीको फोहोर पानी महानगरले फाल्ने, आज भएको निर्णय कार्यान्यन गराउन श्रम कार्यालाई पत्रचार गर्ने लगायतको सहमती भएको हो ।