आज:  | Fri, 10, Jul, 2020

नारायणी अस्पतालमा सर्वसाधारणको आम उपचार सुचारु गर्न सान्सद यादव को माग

बिरगंज सिटी २३ बैशाख २०७७, मंगलवार १४:४७मा प्रकाशित (२ महिना अघि) ८३३८ पाठक संख्या

वीरगन्ज बैशाख २३ विश्वब्यापी फैलिएको कोरोना (कोविड(१९) भईरसको जोखिम चौतर्फी रुपमा ब्याप्त रहेको बेला कोरोना अस्पतालमा रुपान्तरिक नारायणी अस्पताललाई साबिक सरह आम उपचारमा ल्याउन पर्सा क्षेत्र नम्बर १ का साँसद प्रदिप यादवले स्वास्थ्य मन्त्री भानुभक्त ढकाललाई आज ज्ञापनपत्र बुझाएका छन् ।

साँसद उमाशंकर अगरियासंगै मन्लायल पुगेका साँसद यादवले बीरगन्ज क्षेत्रमा स्वास्थ्य सेवाको मुख्य आधार रहेको नारायणी अस्पताललाई कोरोना अस्पताल बनाइएपछि बिभिन्न समस्या सिर्जना भएको हुनाले सो कोरोना अस्पताल (कोविड उपचार केन्द्र)लाई तत्काल नारायणी अस्पतालको मुल भवनबाट हटाएर त्यहाँ साबिकको सबै स्वास्थ्य उपचार सेवा आम मानिसको लागि खुल्ला गर्न माँग गरेका छन् । ‘भन्नको लागि प्रदेश २ मा कोरोना उपचारको निम्ति ४ वटा अस्पताल रहेका छन, उपचारको लागि भने एकमात्र बीरगन्जको नारायणी अस्पताल प्रयोगमा छ । अस्थायी राजधानी जनकपुर सहित अन्यत्र तोकिएको कोरोना अस्पताल छ, तर उपचार सेवा छैन,’ स्वास्थ्यमन्त्री ढकाललाई बुझाइएको ज्ञापन पत्रमा भनिएको छ, ‘देश को एक मुख्य शहर को रुपमा रहेको बीरगंजको नारायणी अस्पताल अहिले प्रदेश कै कोरोना संक्रमितहरुको उपचारको चाँप खपीरहेको छ । यसो हुँदा उक्त अस्पताल मा नियमित चेकजाँच गराउन आउने गरेका पर्सा, बारा, रौतहट र सर्लाहीसम्मका सर्ब साधारणहरुले सास्ती खेप्नु परेको छ ।’ नारायणी अस्पतालमा आउने आम बिरामी अहिले बीरगन्जको उपचारको लागि अन्य निजी अस्पतालमा जादा अनुचित आर्थिक दोहनमा परिरहेको र गरिब तथा बिपन्नको लागि स्वास्थ्य सेवाको आधार लगभग बन्द भएको अवस्था रहेको भनी उनले स्वास्थ्यमन्त्रीको ध्यानाकर्षण गराए ।

उनले कोरोना (कोभिड–१९) अस्पताल नारायणीबाट सारेर कहाँ लैजान सकिन्छ भन्ने बिषयमा दुई वटा बिकल्प सुझाव स्वरुप मन्त्री ढकाललाई दिएका छन् । एक, अस्पतालको मातहतमा सडकभन्दा पश्चिममा रहेको प्रशासनिक भवनभन्दा उत्तर अँखा बिभागको भवन (कोविड उपचार केन्द्र)को लागि प्रयोगमा ल्याउन सकिने विकल्प देखिएको । वा दोस्रोमा पर्सा, बारा र रौतहटको बीचमा पर्ने तथा सर्लाहीसम्मको बिरामीको लागि तुलनात्मक रूपमा नजिक पर्ने र स्तरीय सडकमार्ग जोडिएको वीरगन्जभन्दा मात्र ११ किलोमिटर पुर्वमा रहेको सरकारद्वारा पुर्वघोषित ’कोरोना अस्पताल’मध्येको बारा जिल्लाको कलैया अस्पतालमा कोभिड–१९ को उपचार सेवा अबिलम्ब संचालनमा ल्याएर नारायणी अस्पताललाई साबिक सरह आम उपचारमा ल्याउन यादवले सुझावसहित माग उठाएका छन् । उपयुुक्त व्यवस्थापन गरी कोरोना अहिले संचालित रहेको नारायणी अस्पताललाई आम सर्वसाधारण जनताका नियमित उपचार सेवामा संचालन गर्न माँग गर्नुका साँथै संक्रमितहरुको जाँच र उपचारको लागी अति आवश्यक रहेको रेपिड डायग्ना ‘स्टिक टेस्ट (आर.डी.टी.) किट र भाईरल ट्रान्सपोर्ट मेडीअम (भि.टी.एम) आवश्यक भएकोले तत्कालै उपलब्ध गराउन माग समेत उनले मन्त्रालयसंग गरेका छन्