स्ववियु (स्वतन्त्र विद्यार्थी युनियन) निर्वाचन विद्यार्थीहरूको शैक्षिक तथा सामाजिक हितका लागि महत्वपूर्ण अवसर हो । यस अवसरमा योग्य र सक्षम प्रतिनिधिहरू चयन गर्नु आवश्यक छ, जसले विद्यार्थीहरूको आवाज सशक्त रूपमा प्रस्तुत गर्न सकून् । निम्न पक्षहरूमा ध्यान दिएर मतदाता विद्यार्थीहरूले आफ्नो मताधिकार प्रयोग गर्नुपर्छ :
१. नैतिकवान र इमानदार चरित्र
उम्मेदवारको नैतिकता र इमानदारी महत्वपूर्ण पक्ष हुन् । असामाजिक क्रियाकलापमा संलग्न नभएको, सत्य र सत्कर्मको पक्षपाती उम्मेदवारलाई समर्थन गर्नु उचित हुन्छ । यसले स्ववियुको गरिमा बढाउँछ र विद्यार्थीहरूको हितमा काम गर्न प्रेरित गर्दछ ।
२. नेतृत्व क्षमता र अनुभव भएकाे
उम्मेदवारको नेतृत्व क्षमता र विद्यार्थी समुदायमा उसको सक्रियता मूल्यांकन गर्नुपर्छ । विगतमा विद्यार्थी हितका लागि गरेको योगदान, समस्या समाधानमा देखाएको तत्परता र समन्वय क्षमताको आधारमा उम्मेदवारको योग्यता निर्धारण गर्न सकिन्छ ।
३. स्पष्ट एजेन्डा र कार्ययोजना भएका
उम्मेदवारले प्रस्तुत गरेको एजेन्डा र कार्ययोजना यथार्थपरक र कार्यान्वयन योग्य हुनुपर्छ । शैक्षिक सुधार, विद्यार्थी सुविधाको वृद्धि, सांस्कृतिक तथा खेलकुद गतिविधिको प्रवर्द्धन जस्ता विषयमा उसको दृष्टिकोण स्पष्ट हुनु आवश्यक छ ।
४. पारदर्शिता र जवाफदेहिता भएका
उम्मेदवारको पारदर्शिता र जवाफदेहिताको प्रतिबद्धता महत्त्वपूर्ण छ । आर्थिक क्रियाकलापमा पारदर्शिता, निर्णय प्रक्रियामा विद्यार्थीहरूको सहभागिता सुनिश्चित गर्ने र जिम्मेवारी बहन गर्ने क्षमता भएका उम्मेदवारलाई प्राथमिकता दिनुपर्छ ।
स्ववियु प्रतिनिधित्व सबै विद्यार्थीहरूको हुनुपर्छ । विभिन्न समुदाय, लिङ्ग, क्षेत्र र विषयका विद्यार्थीहरूको प्रतिनिधित्व सुनिश्चित गर्न समावेशी उम्मेदवारलाई भाेट दिनुपर्दछ ।
-1729995576.jpeg)
