कलैया : प्रादेशिक अस्पताल कलैयामा छात्रवृति करारमा कार्यरत चिकित्सक तथा अन्य स्वास्थ्यकर्मीहरुले पेन डाउन गरेका छन् । उनीहरुले चार महिना देखि तलब नपाएको भन्दै आइतबार देखि पेन डाउन गरेका हुन् ।
बाराको कलैया उपमहानगरपालिका वडा नम्बर –६ मा प्रादेशिक अस्पताल कलैया रहेको छ । छात्रवृति करारमा कार्यरत विशेष चिकित्सक,मेडिकल तथा नर्सिङ अधिकृत र फार्मेसी अधिकृतहरुले होलि पर्वमा समेत तलब नपाएको भन्दै पेन डाउन गरेका हुन् ।
तलबका लागी पटक पटक ताकेता गर्दा पनि संघ र प्रदेश सरकारले तलब उपलब्ध नगराएपछि बाध्य भएर आन्दोलन गर्नु परेको अस्पतालमा दुई वर्षको लागी छात्रवृति करारमा खटिएका मेडिकल अधिकृत डाक्टर आलोक कुमार यादवले साझेदारी दैनिकलाई बताए ।
चिकित्सकहरुको आन्दोलनका कारण अस्पतालका धेरैजसो सेवाहरु ठप्प भएको डाक्टर यादवले बताए। तलब समयमा नपाउने, तीन वा चार महिनामा तलबका लागि आन्दोलन गर्नु पर्ने उनले बताए ।
प्रदेशमा तलब पठाउनलाई दबाब समेत गर्नुपर्ने उनले दुखेसो पोखे। आफ्नो घर परिवार चलाउन गाह्रो भैइरहेको र खर्च चलाउनलाई घरबाट माग्नु परेको उनले बताए ।
नेपाल सरकारको छात्रवृति करार अन्तर्गत प्रादेशिक अस्पताल कलैयामा डाक्टर रमेश कुशवाहा,डाक्टर रिचा मण्डल,डाक्टर आलोक यादव,डाक्टर सुरज साह,डाक्टर तबरेज आलम,डाक्टर आकाश जैसवाल, डाक्टर अवनिश यादव, डाक्टर राजा जैसवाल, सोनि यादव,बिनिता दास, जाया यादव, सृजना कुशवाहा र चन्देश्वर जैसवाल गरी १३ जना कार्यरत चिकित्सकहरुले तलब पाएका छैनन् ।
-1729995576.jpeg)
