देशभर आजदेखि माध्यमिक शिक्षा परीक्षा (एसईई) सुरु हुँदैछ । राष्ट्रिय परीक्षा बोर्ड, परीक्षा नियन्त्रण कार्यालयका अनुसार बिहान ८ बजेबाट परीक्षा सञ्चालन हुनेछ ।
मधेस प्रदेशभर ३१२ परीक्षा केन्द्र तोकिएको छ । प्रदेशबाट मात्रै ८८ हजार ८५८ विद्यार्थी परीक्षामा सहभागी हुने छन् । धनुषाका सबैभन्दा धेरै १३ हजार ६५४ विद्यार्थी परीक्षा दिनेछन् भने सप्तरीबाट सबैभन्दा कम ८ हजार ७१५ विद्यार्थी सहभागी हुने निर्देशनालयले जनाएको छ।
मधेस प्रदेश सरकारले एसईई परीक्षा बहिष्कार गर्ने घोषणा गरेपछि परीक्षा व्यवस्थापनमा अन्योल बढेको छ । मुख्यमन्त्री सतिश कुमार सिंहले एसईईमा धाँधली हुने भन्दै प्रदेश सरकारले परीक्षा प्रक्रियाबाट हात झिकेको बताएका थिए । यसै कारण, शिक्षा निर्देशनालय र जिल्ला शिक्षा विकास तथा समन्वय इकाइका तथ्यांक फरक देखिएका छन् ।
परीक्षा सञ्चालनका लागि ३१२ केन्द्राध्यक्ष, ४५९ सहायक केन्द्राध्यक्ष, ४३७० निरीक्षक, ७५५ परीक्षा सहायक, १६६६ सहयोगी कर्मचारी र ४६८० सुरक्षाकर्मी परिचालित छन् । यस पटकको परीक्षा निष्पक्ष बनाउन सुरक्षा सतर्कता अपनाइएको परीक्षा नियन्त्रण कार्यालयले जनाएको छ । परीक्षा केन्द्रमा मोबाइल फोन निषेध गरिएको छ भने प्रश्नपत्र लीक हुन नदिन सुरक्षाकर्मी परिचालन गरिएको छ ।
परीक्षामा देखिएको अनियमितता, प्रदेश सरकारको हस्तक्षेप र व्यवस्थापनको समस्याले यस वर्षको एसईई परीक्षा कत्तिको निष्पक्ष हुन्छ भन्ने विषयमा चासो बढेको छ ।
सकारात्मक मानसिकताले परीक्षा दिनुहाेस्, यसरी प्रश्नका लागी समय व्यवस्थापन गर्नुहाेस् (भिडियाे सहित)
-1729995576.jpeg)
