मधेश विश्वविद्यालयको BALLB र BPAM दोस्रो ब्याचका विधार्थीहरूका लागि भव्य स्वागत कार्यक्रम वीरगंजको क्लार्क रिसोर्टमा सम्पन्न भएको छ ।
कार्यक्रममा पर्साका प्रमुख जिल्ला अधिकारी (सीडीओ) गणेश अर्यालले विधार्थीहरूलाई परिश्रम र दृढ़ संकल्पबाट मात्र सफलता सम्भव हुने बताएका थिए । उनले, “भाग्य रेखाले तपाईंहरूको भविष्य निर्धारण गर्दैन । मेहनत र दृढ़ संकल्पले मात्रै सफलताका ढोका खुल्छन् । परिचय हैन, पहिचान बनाउनमा लाग्नुस्।” अर्यालले विधार्थीहरूलाई राष्ट्र र जनतासँग प्रत्यक्ष सरोकार राख्ने विषयमा अध्ययनलाई प्राथमिकता दिन र समस्याहरूको समाधानका अहिलेदेखि नै सृजनशिल उपायहरु खोज्नाले पछि मदत मिल्ने बताएका थिए ।
प्रजिअ अर्यालले देशको शिक्षा प्रणालीमा व्याप्त केही कमजोरीहरू प्रति इगित गर्दै, बायाँपट्टि डेस्कटप, दायाँपट्टि ल्यापटप, सिरानीमा मोबाइल राख्ने तर राष्ट्रिय परिचयपत्र बनाउन दलाल खोज्ने प्रवृत्तिले देशको विकास नगर्ने बताएका थिए । सफल बन्न दृढ़ संकल्प र मेहनतको बाटो अँगाल्नुपर्ने उनकाे सुझाव थियो ।
कार्यक्रममा नेपाल पत्रकार महासंघ पर्साका अध्यक्ष ओम प्रकाश खनालले विधार्थीहरूलाइ शुभकामना दिदैँ मधेश विश्वविद्यालयले मधेशमा शिक्षाको गुणस्तर सुधार्न महत्वपूर्ण भूमिका खेल्नुपर्ने आवश्यकता औँल्याएका थिए । उनले, “चिट चोर्न पाउनुपर्छ भनेर आन्दोलन गर्ने ठाउँमा गुणस्तरीय शिक्षा अगाडि बढाउन जरुरी रहेको बताए । यसका लागि मधेश विश्वविद्यालयले शिक्षाको गुणस्तर सुधार्ने दिशामा निरन्तर काम गर्न सुझाव दिएका थिए ।”
प्राध्यापक इन्दुशेखर मिश्रले शिक्षालाई ‘फास्टफुड’ जस्तो बिग्रँदै गएको टिप्पणी गर्दै यसलाई सुधार गर्न विश्वविद्यालयले महत्वपूर्ण भूमिका खेलिरहेको बताए । उनले विधार्थीहरूलाई न्याय र सामाजिक हितका लागि क्रियाशील हुन आग्रह गर्दै, शिक्षा क्षेत्रलाई सही मार्गमा ल्याउन हामीले स्तरीय शिक्षामा जोड दिनुपर्ने बताए ।
जिल्ला प्रहरी कार्यालय पर्साका प्रहरी उपरीक्षक गौतम मिश्रले विधार्थीहरूलाई आजको मेहनत भोलिको सफलता हो भन्ने कुरा स्मरण गराउँदै इन्टरनेटको सही र सकारात्मक प्रयोग गर्न आग्रह गरे । उनले, आजकाे नयाँ युगमा “नराम्रो संगतमा परेर धेरै युवा फसेका छन् । त्यसैले मेहनत, इमानदारी र सही सोचले मात्रै जीवन सफल हुनसक्ने बताए ।”
कार्यक्रममा मधेश विश्वविद्यालयका रजिष्ट्रार विजय यादवले BALLB र BPAM दोस्रो ब्याचका विधार्थीहरूलाई स्वागत गर्दै उनीहरूलाई शिक्षा, नेतृत्व, र सामाजिक उत्तरदायित्वका विभिन्न आयामबारे जानकारी गराएका थिए । कार्यक्रममा सशस्त्र प्रहरी उपरीक्षक राधेश्याम धिताल, उद्योगी सुवोध गुप्ता, लगायतको उपस्थिति रहेको थियो । भने कार्यक्रम मधेश विश्वविद्यालयका उपकुलपति दीपक शाक्यको सभापतित्वमा सम्पन्न भएको थियो ।
-1729995576.jpeg)
