सिद्धार्थनगर–७ भैरहवामा रहेको सिद्धार्थ एकेडेमी रुपन्देहीले २०औं वार्षिक उत्सव तथा अभिभावक दिवस भव्य रूपमा सम्पन्न गरेको छ ।
वक्ताहरूले विद्यालयले अतिरिक्त क्रियाकलापसहित अनुशासन र उत्कृष्ट शिक्षा प्रदान गर्दै आएको उल्लेख गरेका थिए ।
विद्यार्थीको शैक्षिक विकासका लागि अभिभावक, विद्यालय तथा स्थानीय सरकारको समान भूमिका रहने सिद्धार्थनगर नगरपालिकाको शिक्षा शाखा प्रमुख जान्ह्वी पाण्डेले बताइन् । कार्यक्रमको प्रमुख अतिथि रहेका उनले अबकाे विधालयले प्रविधिमैत्री शिक्षामा जोड दिनुपर्नेमा पनि विशेष ध्यान दिनुपर्ने बताइन् ।
विद्यालयका प्राचार्य अमित यादवले विद्यालयको शिक्षागत गुणस्तर वृद्धि गर्दै प्राविधिक शिक्षालाई जोड दिने योजना रहेको बताए । साथै, विद्यालयलाई भैरहवाको उत्कृष्ट नमुना शिक्षालयका रूपमा विकास गर्ने प्रतिबद्धता जनाएका थिए ।
कार्यक्रममा जिवन विज्ञान प्रतिष्ठान भैरहवाका प्रमुख खगनाथ गैरे, रुपन्देही जिल्ला अदालतका सुरक्षाकर्मी प्रमुख केशव पाण्डे लगायतले शिक्षाको गुणस्तर वृद्धि र अभिभावकको भूमिकाबारे धारणा राखेका थिए ।
कार्यक्रममा विद्यार्थीहरूले सांस्कृतिक कार्यक्रम प्रस्तुत गरेका थिए भने उत्कृष्ट विद्यार्थी तथा प्रतियोगिताका विजेताहरूलाई प्रमाणपत्र, मेडल र शिल्ड प्रदान गरेका थिए ।
विद्यालयका सहप्राचार्य अम्बिका गुरुङको स्वागत मन्तव्य रहेको कार्यक्रम दीपिका कुँवर र रिवाज पौडेलले सञ्चालन गरेका थिए ।
-1729995576.jpeg)
