पर्सामा तेस्रो आखाँ संस्थाले ईदको अवसर पारेर गरिब, असहाय, एकल महिला लगायतलाई लक्षित गरी राहत वितरण कार्यक्रम सम्पन्न गरेको छ । मुस्ताक फाउण्डेसनको सहयोगमा भएको कार्यक्रममा सलवार सुट ५० थान, लुङ्गी १२ थान, सेवई, चिनी, काजु, तसमई लगायतका खाद्य सामग्री वितरण गरिएको थियो ।
राहत सामग्रीले समुदायका असहाय, गरिब, एकल महिला तथाआथिर्क स्थती कमजोर भएका वर्गलाई ईद पर्व मनाउन सहयोग पुर्याएको छ ।
मुस्ताक फाउण्डेसनको सहयोगमा भएको यस्तो कार्यक्रम भविष्यमा अन्य विभिन्न सामाजिक कार्यक्रम समेत सञ्चालन गरिने तेस्रो आखा पर्साका उपाध्यक्ष शेख मुन्ना पैदल यात्रीले जानकारी दिए ।
उनका अनुसार, समाजमा देखिएका विविध समस्याहरू समाधान गर्न र विपन्न वर्गलाई सहयोग पुर्याउन संस्था अझै सक्रिय हुने हाम्राे योजना छ ।
राहत वितरण कार्यक्रमका प्रमुख अतिथि समाजसेवी रामतुलाह मियाले कार्यक्रमले समाजमा सकारात्मक सन्देश प्रवाह गर्ने र आवश्यकता भएकालाई प्रत्यक्ष रूपमा राहत मिल्ने बताए । अन्य अतिथिहरूमा साजदा खातुन, फारिया बेगम, र तेस्रो आखा पर्साकी अध्यक्ष कमला घिमिरे, संस्थाका सचिव असलम अन्सारी, कोषाध्यक्ष नुर महम्द लगायतको उपस्थिति रहेको थियो ।
ईदको पूर्वसन्ध्यामा आयोजित राहत वितरण कार्यक्रमले स्थानीय समुदायमा हर्ष र उत्साह थपेको छ ।
-1729995576.jpeg)
