काठमाडौँ । सुचना सञ्चार तथा प्रविधि मन्त्री पृथ्वी सुब्बा गुरुङले झुट बोलेका छन् । मन्त्री गुरुङले सोमबारको मन्त्रीपरिषद बैठकले कुलमान घिसिङलाई हटाउने निर्णय भएको छैन भन्दै सञ्चारकर्मीलाई प्रतिक्रिया दिएका थिए । तर मंगलबार सोमबार बसेको मन्त्रीपरिषद बैठकको निर्णय सुनाउँदै उनले सरकारले कुलमान घिसिङलाई हटाउने निर्णय गरेको बताएका हुन् ।
मन्त्रीपरिषदको निर्णय सार्वजनिक गर्दै उनले भने, ‘कुलमान घिसिङलाई पदबाट हटाउने निर्णय पनि भएको छ ।’
त्यस्तै उनले विद्युत प्राधिकरणको कार्यकारी निर्देशकमा हितेन्द्र शाक्यलाई नियुक्त गर्ने निर्णय भएको समेत बताए ।
सञ्चारमन्त्री गुरुङले कुलमान घिसिङलाई पदमुक्त गर्ने निर्णय सुशासनसँग जोडिएको भन्दै अहिलेको आवश्यकताका आधारमा निर्णय गरिएको बताए । उनले सरकारले गरेको निर्णयमा असहमति जनाउने अधिकार रहेको लोकतन्त्रमा विरोध हुनु स्वभाविक रहेको उल्लेख गरे । सरकारले सोधेको स्पष्टीकरण चित्तबुझ्दो नभएका कारण कुलमानलाई हटाइएको उनले बताए ।
बैठकले संक्रमणकालीन न्यायसंगसम्बन्धी अयाोगको अध्यक्ष तथा सदस्यको नियुक्तिको लागि सिफारिस गर्न सवोच्चका पूर्वप्रधानन्यायाधीश ओमप्रकाश मिश्रको अध्यक्षतामा सिफारिस समिति गठन गर्ने निर्णय गरेको उनले बताए ।
मन्त्रिपरिषद्ले चैत्र १९ देखि २३ गते सम्म थाइल्याण्डमा हुने बिमस्टेकको शिखर सम्मेलनमा सहभागी हुन प्रधानमन्त्रीको भ्रमण स्वीकृत गरेको छ भने राष्ट्र बैंकको गभर्नर नियुक्तिको सिफारिस गर्न उपप्रधान एवं अर्थमन्त्रीको अध्यक्षतामा तीन सदस्य सिफरिस समिति गठन गर्ने निर्णय समेत गरिएको प्रवक्ता गुरुङले बताए ।
त्यस्तै बैठकले विधुतीय कारोवार पहिलो संशोधन नियमावली २०८१ स्वीकृत गर्ने, सामुद्रिक यातायात सहयोगसम्बन्धी सम्झौतामा हस्ताक्षर गर्न स्वीकृति दिने लगाएतका २७ वटा निर्णय गरेको छ ।
-1729995576.jpeg)
