सिरहाको नवराजपुर गाउँपालिका-१, भगवानपुरकी रिंकु सदाको मृत्यु प्रकरणमा संलग्न रहेको आरोप लागेका वडा सदस्य नथुनी साहलाई जिल्ला अदालतको आदेशमा जेल चलान गरिएको छ । जिल्ला अदालत, सिरहाका न्यायाधीश श्रीप्रकाश उप्रेतीको इजलासले पुर्पक्षका लागि थुनामा राख्न आदेश दिएपछि साहलाई जेल पठाइएको हो ।
रिंकुले सामूहिक बलात्कारको घटना परिवारलाई बताएपछि गाउँमा पञ्चायत बसेको र पञ्चायतमा वडा सदस्य साहसमेत सहभागी रहेको खुलेको थियो । पञ्चायतले बलात्कारको घटना मिलापत्र गराउन प्रयास गरेको पाइएको छ ।
घटनामा संलग्न रहेको आरोप लागेकामध्ये रामकृपाल मण्डल, विन्देश्वर साह, कारी भनिने करिया मुसहर, रामदेव सदा र दुई नाबालकसहित ६ जनासँग अदालतले प्रतिव्यक्ति १ लाख ५० हजार रुपैयाँ धरौटी माग गरेको छ । अपहरण र बलात्कारका मुख्य आरोपितमध्ये एक नाबालकलाई भने अदालतले प्रहरीको जिम्मा लगाएको छ ।
यसैगरी, रामविनोद मण्डल र कमलेश दासलाई साधारण तारेखमा रिहा गर्ने आदेश भएको छ । घटनामा संलग्न भएको आरोप लागेका अन्य दुई नाबालक र घटनापछि पञ्चायत बसाएर मिलापत्र गराउने आठ जना अझै फरार छन् ।
रिंकु सदा गत माघ २७ गते बलात्कारको सिकार बनेकी थिइन् । त्यसपछि गाउँमा पञ्चायत बसेर बलात्कारको आरोप लागेका रूपेश मण्डललाई १ लाख ५० हजार रुपैयाँ जरिवाना भराउने निर्णय गरिएको थियो। तर, उक्त घटना मिलापत्र भएको तीन दिनपछि माघ ३० गते रिंकु आफ्नै घरमा मृत अवस्थामा फेला परेकी थिइन्। परिवारले उनको हत्या भएको दाबी गरेका छन् ।
प्रहरीले घटनाको गम्भीरताका साथ थप अनुसन्धान भइरहेको जनाएको छ ।
छोराको हत्यामा अभियुक्त पक्राउ नगरेको भन्दै जनकपुर–भिट्ठामोड सडकखण्डमा विरोध प्रदर्शन
जग्गा विवाद बाबुको पक्राउ पुर्जि, प्रहरीकाे डर त्रासले SEE दिदैँ आएकी किशाेरीले गरीन यस्ताे
भन्सार कार्यालयको राजस्व सङ्कलनमा वृद्धि तर लक्ष्य अपुरै, तस्करी नियन्त्रण गर्न चुनौति
नाम चलेकै होटलमा किरा परेको दाल र बासी खाना मुख्यमन्त्री एक्सनमा
मधेश प्रदेश र स्थानीय तहबीचको लफडा – मुख्यमन्त्री अस्पताल बन्द गराउने, नगरपालिका खुलाउन अनुमति दिने
मधेशमा एसईई : परीक्षा निरीक्षक सहित दुई जना पक्राउ, चारजना जनालाई कार्वाही, ४ सय २४ वटा मोबाईल जफत
एसईई परीक्षार्थीले कुन प्रश्न कसरी लेख्ने ? विद्यार्थीलाई सफल बनाउन यसरी गरौँ
एसईई परीक्षा निष्पक्ष गर्न नमानेपछि प्रदेश सरकारले गर्यो बहिस्कार, कुनै प्रकृयामा भाग नलिने अडान !
-1729995576.jpeg)
