झण्डै १५ वर्षअघि परिवारबाट सम्पर्कविहीन भएकी एक वृद्ध महिलाको आश्चर्यजनक पुनर्मिलनले परिवारमा खुशी छाएको छ ।
मानसिक अवस्था कमजोर भएकी ८० वर्षीया आलिया बीबीलाई मानव सेवा आश्रमले उद्दार गरी सात वर्षअघि वीरगंजको आश्रममा ल्याएको थियो । निरन्तर स्याहार, औषधोपचार, माया, र अथक प्रयासपछि अन्ततः उनको परिवारको पत्ता लागेर पुनर्मिलन सम्भव भएको हो ।
२०७४ साल मंसिर १ गते बिर्ता मन्दिरदेखि नारायणी अस्पतालको बीचमा मानसिक रूपमा अस्थिर र कष्टपूर्ण अवस्थाका कारण बिचल्लीमा परेकी आलिया बीबीलाई मानव सेवा आश्रमले उद्दार गरेको थियो । हात र दाहिने खुट्टामा किरा परेको गम्भीर अवस्था रहेकी वृद्धाले आफूलाई आलिया बीबी भनेर चिनाएकी थिइन् ।
सात वर्षसम्म आश्रममा बसेपछि उनको स्वास्थ्य अवस्थामा सुधार भयो । यसबीच, आश्रमले उनको परिवारको खोजीमा अथक प्रयास जारी राख्यो । अन्ततः सफलतापूर्वक परिवारको सम्पर्कमा पुगेपछि पश्चिम बंगाल राज्य, पूर्व मेदनिपुर जिल्ला, पूर्व राधापुर गाउँ निवासी परिवारका सदस्यहरूले उनलाई पहिचान गरेका छन् ।
परिवारका सदस्यका अनुसार आलिया बीबी १५ वर्षदेखि सम्पर्कविहीन थिइन् । भारतका विभिन्न राज्यमा धेरै खोजी गरे पनि उनीहरूलाई निराशा मात्रै हात परेको थियो । तर, वीरगंजस्थित मानव सेवा आश्रमको पहलले परिवारको हराएको आशा पुनः जीवित भएकाे छ ।
बुधबार उनका पाँच परिवारका सदस्य वीरगंज आइपुगेर पुनर्मिलन भएकाे छ । भाइ सफ्रुदीन मलिक, भतिजहरू मुस्ताक र विप्लव मलिक, भान्जा सहजन अली खान, र भाइ बुहारी गुंडी बीबी अत्यन्तै भावुक मुद्रामा आलिया बीबीलाई लिएर पश्चिम बंगाल फर्किएका छन् ।
मानव सेवा आश्रम बिरगंजका संस्थापक देवेश गुप्ताले पुनर्मिलनको यो क्षणलाई अविस्मरणीय रहेकाे बताए । उनले आमाको परिवारसँग पुनर्मिलन गराउन पाउँदा हामी अत्यन्तै खुसी छौँ । हाम्रो प्रयास सफल भएकोमा गर्व छ । समाजमा सहयोगको यो भावना अझ बढ्दै जाओस् भन्ने हाम्रो चाहना रहेकाे गुप्ताले बताए ।
परिवारका सदस्यहरूले मानव सेवा आश्रमलाई धन्यवाद दिँदै यस्तो पुनर्मिलन सम्भव गराएकोमा आभार व्यक्त गरेका थिए । हामीले आमा फेला पार्ने आशा त्यागिसकेका थियौँ । तर, आश्रमले हाम्रो जीवनमा पुनः आशा दिएको आलिया बीबीका भाइ सफ्रुदीन मलिकले बताए ।
छोराको हत्यामा अभियुक्त पक्राउ नगरेको भन्दै जनकपुर–भिट्ठामोड सडकखण्डमा विरोध प्रदर्शन
जग्गा विवाद बाबुको पक्राउ पुर्जि, प्रहरीकाे डर त्रासले SEE दिदैँ आएकी किशाेरीले गरीन यस्ताे
भन्सार कार्यालयको राजस्व सङ्कलनमा वृद्धि तर लक्ष्य अपुरै, तस्करी नियन्त्रण गर्न चुनौति
नाम चलेकै होटलमा किरा परेको दाल र बासी खाना मुख्यमन्त्री एक्सनमा
मधेश प्रदेश र स्थानीय तहबीचको लफडा – मुख्यमन्त्री अस्पताल बन्द गराउने, नगरपालिका खुलाउन अनुमति दिने
मधेशमा एसईई : परीक्षा निरीक्षक सहित दुई जना पक्राउ, चारजना जनालाई कार्वाही, ४ सय २४ वटा मोबाईल जफत
एसईई परीक्षार्थीले कुन प्रश्न कसरी लेख्ने ? विद्यार्थीलाई सफल बनाउन यसरी गरौँ
एसईई परीक्षा निष्पक्ष गर्न नमानेपछि प्रदेश सरकारले गर्यो बहिस्कार, कुनै प्रकृयामा भाग नलिने अडान !
-1729995576.jpeg)
