पर्साको पर्सागढी नगरपालिका–९ मा दुई सय ३९ जना भूमिहीन दलित, सुकुम्बासी र अव्यवस्थित बसोवासीलाई निस्सा वितरण गरिएको छ ।
शुक्रबार आयोजित कार्यक्रममा भूमि आयोगका केन्द्रीय सदस्य तथा मधेस प्रदेश संयोजक आरती भण्डारीले कानुनी जटिलतालाई समाधान गरि नेपालभरिका सुकुम्बासीहरुलाई जग्गा वितरण गरिने बताइन् । उनले ढिला नगरी पर्साका सम्पुर्ण पालिकाका सुकुम्बासीहरुलाई लालपुर्जा वितरण कार्य गरिने जानकारी दिएकी थिइन् ।
कार्यक्रममा प्रमुख जिल्ला अधिकारी गणेश अर्यालले भूमिहीनको समस्या समाधानका लागि सरकारले अभियान चलाएको बताउँदै लालपुर्जा वितरण प्रक्रिया छिट्टै सुरु हुने जानकारी दिएका थिए ।
भूमि आयोग पर्साका अध्यक्ष तबरेज अहमदले असार १५ भित्र लालपुर्जा वितरण गर्ने लक्ष्य रहेको बताए ।
कार्यक्रममा पूर्वमेयर लोकनारायण यादव, नेकपा एमाले पर्साका अध्यक्ष विश्वम्भर शर्मा, आयोगका सदस्य सचिव राकेश झा, जसपाका युवा नेता सुरज मानन्धर, भूमि आयोग पर्साका सदस्य सन्तोष पासवान, शिवनारायण राम, प्रहरी उपरीक्षक (एसपी) गौतम मिश्र, सशस्त्र प्रहरी उपरीक्षक (एसपी) राधेश्याम धिमाल लगायतकाे उपस्थित रहेकाे थियाे ।
कार्यक्रम वडा नं. ९ का वडा अध्यक्ष रामबढाई यादवको अध्यक्षतामा समपन्न भएकाे थियाे ।
-1729995576.jpeg)
