नेपाल पत्रकार महासंघ, पर्सा शाखाले पत्रकार हत्या र सञ्चारमाध्यममाथि भएका हिंसात्मक आक्रमणको विरोधमा विरोध प्रदर्शन गरेको छ ।
स्वतन्त्र प्रेसको रक्षा र अभिव्यक्ति स्वतन्त्रताको सुनिश्चितताका लागि महासंघले देशव्यापी विरोध जनाएको छ । पर्साको वीरगञ्जमा निकालिएको ¥याली विभिन्न प्लेकार्डसहित नगरपरिक्रमा गर्दै घण्टाघरमा पुगेर कोण सभामा परिणत भएको थियो ।
कोण सभामा नेपाल पत्रकार महासंघका केन्द्रीय सचिव अशोक तिवारी, प्रदेश अध्यक्ष श्याम बन्जारा, पर्सा अध्यक्ष ओमप्रकाश खनाललगायतले सम्बोधन गरेका थिए । मन्तव्यका क्रममा वक्ताहरूले प्रेस स्वतन्त्रता लोकतन्त्रको आधारभूत खम्बा भएको भन्दै पत्रकारहरूमाथि हुने कुनै पनि प्रकारका हिंसात्मक गतिविधि सह्य नहुने चेतावनी दिए ।
आन्दोलनको क्रममा पत्रकारहरूविरुद्ध भएका हत्या, दमन, सञ्चारमाध्यममाथि गरिएका आगजनी र तोडफोडका घटनाहरूको कडा शब्दमा भर्त्सना गर्दै दोषीलाई कारबाही गर्न माग गरेका थिए । प्रदर्शनमा सहभागीहरूले “स्वतन्त्र प्रेसको रक्षा गरौँ”, “पत्रकारमाथि दमन बन्द गर”, “सञ्चारमाध्यममाथि भएको आक्रमणको छानबिन होस्” भन्ने नारा लेखिएका प्लेकार्डहरू प्रदर्शन गरेका थिए ।
कार्यक्रममा महासंघका पदाधिकारीहरू, सञ्चारकर्मी, र प्रेस स्वतन्त्रताको पक्षधर विभिन्न व्यक्तिहरूको सहभागिता रहेको थियो ।
-1729995576.jpeg)
