मापदण्डविपरीत अस्पतालहरूमा प्रदेश सरकार कठोर बनेकाे छ । मधेशका १ सय १२ अवैध अस्पताल मुख्यमन्त्री सितश कुमार सिंहले बन्द गराएका छन् ।
प्रदेश स्वास्थ्य तथा जनसंख्या मन्त्रालयका जनस्वास्थ्य अधिकृत सन्तोषकुमार ठाकुरका अनुसार मुख्यमन्त्री सिँहको नेतृत्वमा हालसम्म १६२ निजी स्वास्थ्य संस्थाहरूको अनुगमन भइसकेको छ । भने, अनुगमनका क्रममा १७ अस्पताल मात्र मापदण्डअनुसारका पाइएका छन् भने १ सय १२ वटा मापदण्ड विपरीतका अस्पताल बन्द गरिएका छन् ।
मापदण्डविपरीत सञ्चालित अस्पतालहरू विरुद्ध प्रदेश सरकार कठोर बनेको छ ।
मधेश प्रदेशका मुख्यमन्त्री सतिशकुमार सिँहले बिना दर्ता सेवा सञ्चालन गरिरहेका आइतबार सप्तरीको बोदेबर्साइनका पाँच अस्पताल बन्द गर्न निर्देशन दिएका छन् । भने, जीवन ज्योति हस्पिटल प्रालिलाई १५ दिनभित्र कानुनी रूपमा सञ्चालन गर्न आदेश दिएका छन् ।
बोदेबर्साइन नगरपालिकाबाट १५ शय्याको सेवा सञ्चालन अनुमति प्राप्त गरेको जीवन ज्योति अस्पतालले आकस्मिक कक्षमा ८ बेड र अन्तरङ्ग विभागमा ९ बेड थप गरी मापदण्डविपरीत सेवा दिइरहेको पाइएको छ । अस्पतालमा स्वास्थ्य व्यवसायी परिषद्बबाट दर्ता प्रमाणपत्र नलिएका स्वास्थ्यकर्मी खटाइएकाले मुख्यमन्त्री सिँहले स्वास्थ्य तथा जनसंख्या मन्त्रालयमार्फत १५ दिनभित्र अनुगमन गरी अस्पताल नियमअनुसार सञ्चालन गर्न निर्देशन दिएका हुन् ।
मुख्यमन्त्रीका प्रेस सल्लाहकार अनिलकुमार कर्णका अनुसार अस्पतालले स्वास्थ्य व्यवसायी परिषद् ऐन, २०५२ उल्लङ्घन गर्दै बिना दर्ता स्वास्थ्य सेवा प्रदान गरिरहेकाले सेवाग्राही जोखिममा परेका छन् । ऐन लागू भएको एक वर्षपछि बिना दर्ता स्वास्थ्यकर्मीले सेवा दिन नपाउने कानुनी प्रावधान भए पनि अस्पतालले नियमको अवज्ञा गर्दै आएको पाइएको अधारमा बन्द गराइएको बताए ।
मुख्यमन्त्री सिँहले बोदेबर्साइनस्थित पाँच अस्पतालको अनुगमन गरेका थिए । अनुगमनका क्रममा कुनै पनि तहबाट अनुमति नलिई सञ्चालनमा रहेका पाँचवटै अस्पताल तत्काल बन्द गर्न निर्देशन दिइएको छ ।
बन्द गरिएका अस्पतालहरूमा लाइफ केयर पोलिक्लिनिक प्रालि, छिननमस्ता डेन्टल क्लिनिक प्रालि, सगरमाथा डेन्टल क्लिनिक प्रालि, नईमा हेल्थ केयर एण्ड डाइग्नोस्टिक सेन्टर, अक्टोभोग आइकेयर प्रालि रहेका छन् ।
मुख्यमन्त्री सिँहका अनुसार मापदण्ड पूरा नगर्ने अस्पतालहरूबाट आम नागरिक ठगिने, गलत उपचार हुने र स्वास्थ्य क्षेत्रमा अराजकता बढ्ने भएकाले कठोर कदम चालिएको बताए ।
-1729995576.jpeg)
