आजको व्यस्त जीवनशैलीले दाम्पत्य जीवनमा धेरै उतारचढाव ल्याएको छ ।
लामो दिनपछि राति सुत्ने समय मात्र यस्तो अवसर हुन सक्छ जब दम्पतीहरू एकअर्कासँग खुलेर कुरा गर्न सक्छन् । विभिन्न अध्ययनहरूले रातको सुमधुर संवादले सम्बन्ध बलियो बनाउँछ, विश्वास बढाउँछ, र मानसिक रूपमा शान्ति दिन्छ ।
यहाँ केही टिप्स छन् जसले तपाईंको वैवाहिक सम्बन्धलाई अझ रोमान्टिक र घनिष्ट बनाउन सक्छ ।
दिनभर के भयो, के राम्रो लाग्यो वा के कुराले दिक्क बनायो भन्ने कुरा जीवनसाथीसँग शेयर गर्नुहोस् । यसले सम्बन्धलाई थप आत्मीय बनाउँछ ।
- सानो सानो कुरा सिकाइदिनुहाेस्
एकअर्कालाई नयाँ कुरा सिकाउनुहोस्, जस्तै: कुनै प्रेरणादायी प्रसंग, किताबमा पढेको ज्ञान वा जीवन उपयोगी टिप्स। यसले कुराकानीलाई रोचक बनाउँछ ।
- भविष्यका योजना बनाउनुहोस्
आउने दिन, हप्ता वा महिनाको योजना मिलाउनुहोस् । सँगै कतै घुम्न वा यात्रामा जाने सोच बनाउनुहोस् । यसले पारिवारिक व्यवस्थापनलाई सुदृढ बनाउछ ।
- धन्यवाद वा प्रशंसा गर्नुहाेस् ।
जीवनसाथीको सानो योगदानलाई पनि कदर गर्नुहाेस् । तिमीले गर्दा आज याे काम भयाे । वा तिमीले राम्राे खाना बनाएछाैँ । यस्ता शब्दहरूले सम्बन्धलाई मजबुत बनाउँछ ।
- स्पर्श र आत्मीयता बढाउनुहोस्
माया दर्शाउने सानो व्यवहारहरू जस्तै हात समात्ने, हल्का कडल गर्ने, वा सँगै पल्टिएर फिल्म हेर्ने जस्ता क्रियाकलापले सम्बन्ध अझ घनिष्ठ बनाउँछ ।
-1729995576.jpeg)
