मोफसलकै प्रतिष्ठित फुटबल प्रतियोगिता १५औं संस्करणको जीतपुरसिमरा गोल्डकप चैत २२ गतेदेखि सुरु हुने भएको छ । आयोजक नव जनजागृति युवा क्लबले मंगलबार पत्रकार सम्मेलन गर्दै प्रतियोगिताबारे जानकारी गराएको हो ।
आठ टिमको सहभागिता
सिमरा रंगशालामा आयोजना हुने प्रतियोगितामा यसपटक ८ टोलीको प्रतिस्पर्धा रहनेछ । सहभागी टिमहरू:
- नेपाल पुलिस क्लब (साविक विजेता)
- मछिन्द्र फुटबल क्लब (साविक उपविजेता)
- फ्रेन्ड्स क्लब
- हिमालयन शेर्पा क्लब
- एन्फा मकवानपुर
- सलहेश युवा क्लब, सिरहा
- हानामी बिएफसी, चितवन
- आयोजक नव जनजागृति युवा क्लब
उपाधि विजेतालाई १० लाख नगद
प्रतियोगिताको विजेताले १० लाख रुपैयाँ तथा उपविजेताले ५ लाख नगद पुरस्कार प्राप्त गर्नेछन् । साथै, सर्वोत्कृष्ट खेलाडीलाई इलेक्ट्रोनिक स्कुटर प्रदान गरिनेछ, जसलाई भिएक्सएल एजुकेशनले प्रायोजन गर्नेछ ।
अन्य पुरस्कारहरू
- उत्कृष्ट गोलरक्षक – केटीएम कन्सल्टिङ (२५ हजार)
- उत्कृष्ट प्रशिक्षक – केएनडी लेबर सप्लायर (२५ हजार)
- सर्वाधिक गोलकर्ता – ग्रेस इन्टरनेशनल (२५ हजार)
- उदयमान खेलाडी – पूर्व खेलाडी रवि पासवान (१५ हजार)
- प्रत्येक खेलको प्लेयर अफ द म्याच – १० हजार (प्रायोजक: ग्रिन इनर्जी नेपाल)
नेपाली राष्ट्रिय टिमका पूर्व खेलाडी रवि पासवान हाल अष्ट्रेलियामा व्यवसायिक फुटबल खेलिरहेका छन् । उनले उदयीमान खेलाडी पुरस्कारका लागि १५ हजार नगद उपलब्ध गराउने घोषणा गरेका छन् ।
टिकट काट्ने दर्शकलाई स्मार्ट घडी उपहार
प्रतियोगिताका टिकेटिङ पार्टनर सुरक्षा मोबाइलले टिकट काटेर खेल हेर्ने दर्शकमध्ये एक जनालाई दैनिक स्मार्ट घडी प्रदान गर्नेछ । साथै, हिमालयन कफी सप र ए.के. सप्लायर्सले आकर्षक उपहार प्रदान गर्नेछन् ।
प्रतियोगितामा हुलास स्टील, नेपोभिट टायल्स, सूर्य नेपाल प्रा.लि., सगरमाथा इन्स्योरेन्स, युआर अटोमेटिक लन्ड्री, एलएस न्युरो अस्पताल, स्टार अस्पताल, सुसप्त मेडिकल लगायतका संस्थाहरूले आर्थिक तथा प्रायोजन सहयोग गरेका छन् ।
होटल तथा पर्यटन व्यवसायी संघले प्रतियोगिता अवधिभर फूड फेस्टिभल आयोजना गर्नेछ । सेमिफाइनल खेलको समयमा राष्ट्रिय कलाकारहरूको सांस्कृतिक कार्यक्रम समेत प्रस्तुत गरिने तयारी गरिएको छ । संघका कार्यवाहक अध्यक्ष शम्भु खड्गीले यसपटक दर्शकलाई आकर्षित गर्न फूड फेस्टिभल र सांस्कृतिक कार्यक्रमलाई विशेष रूपमा प्रस्तुत गरिने जानकारी दिए ।
-1729995576.jpeg)
