पर्साको पोखरिया नगरपालिकाका प्रमुख प्रशासकीय अधिकृतको पुनः सरुवा गरिएको छ ।
फागुन १५ गते हाजिर भएका विनय कुमार श्रीवास्तवलाई चैत्र १७ गते सरुवा गरिएको हो । ३२ दिन समेत बस्न नदिई पोखरिया नगरपालिकाका मेयर प्रदुमन प्रसाद चौहानले काठमाडौँ नै डेरा जमाएर उनको सरुवा गराई छाडेका छन् ।
पोखरिया नगरपालिका पर्साको सदरमुकाम वीरगंजपछि दोश्रो बहुपेक्षित नगरपालिका हो । जिल्लाको विकास निर्माण तथा सेवा सुविधामा समापन्न हुनुपर्ने नगरपालिकामा यसअघि पनि हालसम्म कोही उपसचिव टिक्न सकेका छैनन् । २०७९ साल फागुन ८ गते दरबन्दी भई आएका धर्मानन्द जोशीलाई ३९ दिनमै चैत्र १७ गते सरुवा गराइएको थियो । त्यस्तै २०८० साल जेठ २ गते देवेन्द्र सापकोटा हाजिर भएका थिए । उनलाई समेत उक्त पालिकामा टिक्न दिएनन् । उनको सरुवा ३ महिना नपुग्दै भदौँ ८ गते गरिदिएका थिए ।
पोखरिया नगरपालिकामा सबभन्दा बढी टिक्ने अधिकृत मध्ये एक हुन् अजय कुमार श्रीवास्तव । २०८० साल आश्विन १८ गते निम्त भई आएका उनी हालसम्म राजपाठ चलाइरहेको भन्दा फरक नपर्ला । आफू नै हुनुपर्ने नियतका साथ उनले आफूभन्दा एक तह माथि रहेका कर्मचारीलाई अन्तै सरुवा गराएर पनि उनी निम्त प्रमुख प्रशासकीय अधिकृतको हैसियतमा काम गरेका थिए । हाल उनलाई राख्नैपर्ने भन्दै मेयर प्रदुमन प्रसाद चौहान लागि परेका छन् । भने सङ्घीय मामिला तथा सामान्य प्रशासन मन्त्री राजकुमार गुप्ता समन्वयमा रहेका छन् ।
जबकी यसअघि सङ्घीय मामिला तथा सामान्य प्रशासन मन्त्रालय स्वयंले २०८१ माघ ९ गते देशभरका १३ वटा नमित प्रमुख प्रशासकीय अधिकृतको जिम्मेवारी एकैपटक रद्द गर्ने निर्णय गरेको थियो । जसमा अजय कुमार श्रीवास्तवको समेत जिम्मेवारी रद्द गरिएको थियो । तर मेयरको लोभ र मन्त्रीको स्वार्थका कारण सातौँ तहका कर्मचारी रहेका उनलाई मन्त्रालयको निर्णयले २०८१ माघ २० गतेसम्म उनलाई छोएको थिएन । यो हेर्नुहोस् जिम्मेवारी रद्द भएपनि बोर्ड बैठक आफैले चलाएको पत्र ।
मन्त्री राजकुमार गुप्ताको क्षेत्र नं. ३ मा पर्ने पोखरिया नगरपालिकामा मन्त्री स्वयम् र उनका गुरुमहाराज याेजना प्रमुख संजय पाण्डे, मेयर प्रदुमन चौहान र निम्त अजय श्रीवास्तवले प्रतिव्यक्ति एक देखी ढेड लाख सम्म उठाएर नियम विपरित सयौँ कर्मचारी नियुक्त गरेको भन्दै स्थानीय नेता निजामुद्दिन समानीले पटक पटक विरोध जनाउँदै आएका छन् । नियुक्त भएका कर्मचारीहरूले ९ महिना बितिसक्दा पनि हालसम्म तलब भत्ता एक सुको पाएका छैनन् ।
मेयर चौहान अजय श्रीवास्तवलाई नै राख्नैपर्ने मुख्य कारण भनेकै काम समापन्न नभएको बिल भुक्तानी गराउनु र नयाँ नियुक्त भएका आफन्तको भुक्तानी दिलाउनु रहेको कतिपयको बुझाई छ । यसैका लागी श्रीवास्तवलाई मन्त्रालयले निम्त हटाएदेखी काठमाडाैँ बसेर उनलाई नै निम्त बनाउनुपर्ने भन्दै सामान्य प्रशासन मन्त्री राजकुमार गुप्ता कहाँ धाइरहेका छन् ।
यता सामान्य प्रशासन मन्त्री राजकुमार गुप्ताले प्रशासकिय अधिकृत विनय श्रीवास्तवकाे विषयमा उनी आफैले सरूवा माग गरेकाले मन्त्रालयले सरूवा गरिएकाे बताए । काे जाने नजाने विषयमा छलफल भइरहेकाे उनले बताए । यद्दपी मेयर प्रदुमन प्रसाद चौहान निम्त बनाएर अजय श्रीवास्तवलाई नै ल्याउन चाहेकाे मन्त्री गुप्ता निकट स्राेतले बताएका छन् ।
यस विषयमा मेयर चौहानसँग प्रतिक्रिया लिन खाेज्दा उनकाे माेबाइलमा सम्पर्क हुन सकेनन् ।
-1729995576.jpeg)
