दरबन्दी मिलानका योजनाकार विनोद मेहताले शारदा माविबाट रवाना लिएका छन् ।
वीरगंज महानगरपालिकाको दरबन्दी मिलान समितिमा रहेर नियमविपरीत दरबन्दी मिलान गरेको आरोप लागेका मेहता बुधबार बहुअरिस्थित श्री शारदा माविबाट प्राविका शिक्षक अखिलेश पाण्डेलाई जिम्मेवारी सुम्पेर विद्यालय छोडेका हुन् ।
मेहताले नियमविपरीत प्राविका शिक्षकलाई जिम्मेवारी दिएर विद्यालय छाडेका हुन् । सामान्यतया उमावि शिक्षकहरूलाई जिम्मेवारी दिनुपर्नेमा उमावि शिक्षक लालबाबु प्रसाद यादव, मावि शिक्षक राजेश्वर पाण्डे लगायतलाई बेवास्ता गर्दै प्राविका शिक्षक पाण्डेलाई जिम्मेवारी दिइएको हो ।
यसरी जिम्मेवारी हस्तान्तरण गर्दा उनले खातामा भएको रकम पनि निकालेको स्रोतले दाबी गरेको छ । महानगरपालिकाको नियमविपरीत गरिएका दरबन्दी मिलानका योजनाकार आफैलाई आफैले सिद्धार्थ माविमा दरबन्दी मिलान मिलाएका छन् ।
यता दरबन्दी मिलानमा भइरहेको अनियमितताबारे पर्साका पाँच प्रमुख दलले शिक्षक महासंघले उठाएको जायज मागप्रति एक्यवद्धता जनाएका छन् । बिहीबार जारी गरिएको संयुक्त प्रेस विज्ञप्तिमा नेपाली कांग्रेसका कार्यबाहक सभापति राम नारायण प्रसाद कुर्मी, नेकपा एमालेका जिल्ला अध्यक्ष विश्वम्भर शर्मा, जसपा नेपालका जिल्ला अध्यक्ष रामनरेश प्रसाद यादव, रास्वपाका जिल्ला संयोजक हरि पन्त, र जनमत पार्टी पर्साका सह(इन्चार्ज मुकेश दुवेदी लगायतका नेताहरूले शिक्षकहरूको आन्दोलनमा ऐक्यवद्धता जनाएका छन् ।
शिक्षक महासंघ नगर समितिले उठाएका मागलाई समर्थन गर्दै राजनीतिक दलहरूले दरबन्दी मिलानको अनियमितता अन्त्य गर्न सरोकारवालालाई ध्यानाकर्षण गराएका छन् ।
सम्बन्धीत समाचार
बैठक बोलाएर शिक्षकलाई थर्काए मेयर सिंह, गैरकानुनी दरबन्दी मिलान खारेज नभएसम्म आन्दोलन नरोक्ने शिक्षकहरुको चेतावनी
वीरगंज महानगरकाे भ्रष्टाचार विरुद्ध शिक्षक महासंघको पत्रकार सम्मेलन, दरबन्दी मिलान खारेज नगरे आन्दोलन गर्ने चेतावनी
के पर्सामा ९४ प्रतिशत विद्यार्थी फेल भएका हुन ? (तथ्य जाँच)
-1729995576.jpeg)
