पर्सा: वीरगंज महानगरपालिका-१४, गण्डक चेकपोस्टबाट ४ सय ५० ट्याब्लेट नियन्त्रित लागूऔषध नाइट्राभेट सहित एक जना व्यक्ति पक्राउ परेका छन् ।
चितवन, भरतपुर महानगरपालिका-१०, बिशाल टोलका २७ वर्षीय समिर तमाङलाई आइतबार दिउँसो प्रहरीले पक्राउ गरेको हो । उनी वीरगंजबाट नारायणघाटतर्फ जाँदै गरेका बेला बा.प्र.०६-००१ ज ००३५ नम्बरको गाडीमा सवार थिए ।
सुनसरी: धरान उपमहानगरपालिका-९, बगैंचा चोकबाट नियन्त्रित लागूऔषध ट्रामानिल ७ हजार ८ सय ६० ट्याब्लेट र स्पास्मो ८ हजार ४ सय ३० ट्याब्लेट सहित संखुवासभा धर्मदेवी नगरपालिका-८ का ३१ वर्षीय सुरज गुरूङलाई पक्राउ गरेको छ । धरान-९ स्थित डेरामा बस्दै आएका गुरूङलाई साँझ प्रहरीले उनको डेरा तलासी गर्दा उक्त लागूऔषध बरामद गरेको हो ।
चितवन: भरतपुर महानगरपालिका-२०, चनौली बजारबाट ३ सय ट्याब्लेट ट्रामाडोल सहित दुई जनालाई पक्राउ गरिएको छ । पक्राउ पर्नेहरूमा भरतपुर महानगरपालिका-२६, ज्योतिनगरका २३ वर्षीय सन्तोष राई र २५ वर्षीय नबिन विक रहेकाे प्रहरीले जनाएकाे छ ।
कञ्चनपुर: बेलौरी नगरपालिका-६, खैरानाबाट अवैध लागूऔषध खैरो हेरोइन जस्तो देखिने १ ग्राम ९ सय मिलिग्राम सहित दुई जनालाई पक्राउ गरेको छ । पक्राउ पर्नेहरूमा कैलाली, धनगढी उपमहानगरपालिका-१३, झलारीका १८ वर्षीय किशोर रहेका छन् ।
प्रहरीले सबै घटनामा संलग्नहरूमाथि आवश्यक अनुसन्धान अघि बढाएको छ ।
-1729593135.jpg)
-1731330003.png)
