वीरगंज महानगरपालिका वडा नम्बर १७ अलौमा नगर प्रहरी, मेयर राजेशमान सिंह र स्थानीय बीच भएको झडपका क्रममा सुदर्शन लामिछानेको टाउको फुटेको घटना यसअघि नै सार्वजनिक भएको छ ।
मेयर कै उपस्थितिमा भएको विवादले जिल्ला प्रहरी कार्यालयमा निवेदन समेत पुगेको छ । कतिपयले मेयरको दादागिरीले घटना भइरहेको बताइरहेका छन् भने मेयर सिंहले उल्टै दुर्व्यवहार गरेको विभिन्न सञ्चारमाध्यमलाई बताएका छन् । यसैबीच मेयर राजेशमान सिंहको प्रेस सल्लहाकार भन्ने फेसबुक पेजबाट बिहान एउटा भिडियो जारी भएको छ । जुन भिडियो आइतबार बिहानको बताइएको छ । उक्त भिडियोमा वडा नम्बर १७ का वडा सदस्य आमोद यादव र सोमबारको घटनामा टाउको फुटेका नेपाली काङ्ग्रेसका बुथ सभापति शिव ओम लामिछानेका छोरा सुदर्शन लामिछाने बिच कुटपिट भएको देख्न सकिन्छ । वडा सदस्य यादव र लामिछाने दुबैपक्षबाट कुटपिट भएकाे छ ।
उक्त भिडियोमा लामिछाने हेलमेट लगाएर आएर वडा सदस्यको कठालो समात्नुको साथै कुटाकुट भएको देखिन्छ । भने, वडा सदस्यले समेत लामिछानेकाे कठालाे समात्नुकाे साथै दुबैपक्षबाट कुटपिट भएकाे देखिन्छ । आइतबार भएकाे घटनाको भोलिपल्ट मेयर राजेशमान सिंहले अगाडि पछाडि दलबल सहित नगर प्रहरीलाइ लिएर पानीकाे निकास खोल्न गएको भनेपनि नगर प्रहरीको कुटपिटबाट नेपाली काङ्ग्रेसका बुथ सभापति शिव ओम लामिछानेका छोरा सुदर्शन लामिछानेको टाउको फुटेको छ ।
यता जिल्ला प्रहरी कार्यालय पर्साले कुलाे खुलाउने बारे नेपाल प्रहरीलाई कुनै खबर नरहेकाे बताएका छन् । साेमबार मेयर सहित नगर प्रहरी र गाउले बिच भएकाे विवाद बारे जानकारी लिन खाेज्दा पर्साका प्रहरी नायब उपरिक्षक दिपक भारतीले कुलाे खुलाउने बारे हामीलाइ कुनै खबर नरहेकाले यस विषयमा मेयर सिंहसँग बुझ्न बताएका थिए । लामिछानेकाे टाउकाे फुटेपछी नगर प्रहरीले उनलाइ प्रहरीकाे जिम्मा लगाएकाे थियाे ।
ठाकुरराम बहुमुखी क्याम्पसका प्राध्यापक रोशन लामिछानेका अनुसार बुथ सभापति शिव ओम लामिछानेले खेत तथा घर डुबानमा परेकाले पानी खोल्न नदिने अडान लिएपछि मेयर सिंहले अपशब्द बोल्दै नगर प्रहरीलाई गाडीमा हाल्न निर्देशन दिएको थियो । त्यसपछि विवाद हुँदा बुथ सभापति लामिछानेले मेयर सिंहको कठालो समातेको थियो भने मेयर सिंहले समेत लामिछाने माथि हातपात गरेको उनले दाबी गरे ।
सोही क्रममा उनका अर्का छोरा सुदर्शन लामिछानेको नगर प्रहरीको कुटाईले टाउको फुटेको बताए । झडपको क्रममा सुदर्शन लामिछानेको टाउको फुटेको छ भने उनको टाउकोमा ६ वटा टाँका लागेको छ । साथै, शुखाडी राउत कुर्मी र प्रयास राउत कुर्मी घाइते भएका छन् ।
घाइते भएका बुथ सभापति शिव ओम लामिछानेका छोरा तथा नेपाली काङ्ग्रेसका कार्यकर्ता सुदर्शन लामिछाने जिल्ला सभापति जनार्धन सिंह क्षेत्रीका आफ्नै भान्जा हुन् ।
मेयर सिंह विरुद्ध दोश्रो दिन पनि रिले अनशन जारी रहेको छ । माफी नमागेसम्म जारी रहने स्थानीहरू बताएका छन् ।
भिडियाे
सम्बन्धित समाचार
-1729593135.jpg)
-1731330003.png)
