नेपाली सिने क्षेत्रका पुराना कलाकारहरू विदेश पलायन हुँदै गएपछि सिनेमा क्षेत्रमा खाल्डो परेको थियो । तर अहिले, विदेशी भूमिमा जन्मेका वा बसेका नयाँ पुस्ताका कलाकार, निर्देशक र प्राविधिकहरूले यो खाडल क्रमशः पुरिँदै लगेका छन् ।
सन् २०३५ देखि सिने क्षेत्रमा सक्रिय अभिनेता तथा निर्देशक मोहन निरौलाका अनुसार, उनका धेरै सहकर्मीहरू अहिले नेपालमा छैनन् । द्वन्द्व, राजनीतिक अस्थिरता, बेरोजगारी र कलाकर्मीहरूको अन्योलग्रस्त भविष्यकै कारण २०५० को दशकमा धेरै कलाकारले विदेश रोजे । निरौला भन्छन्, "नेपाली चलचित्र क्षेत्रले धेरै राम्रा कलाकार, निर्देशक र प्राविधिकहरू गुमाएको छ ।"
नेपाली भाषाको पहिलो चलचित्र 'आमा' की अभिनेत्री वसुन्धरा भुसाल पनि आफूले काम गरेका धेरै सहकर्मी विदेशिएको बताउँछिन्। उनका अनुसार, विशेषगरी कोरोना महामारीपछि यो प्रक्रिया तीव्र भएको हो ।
तर हाल, विदेशी भूमिमा जन्मिएका वा हुर्किएका नेपालीले आफ्नो पुर्ख्यौली थलोमा आएर सिनेमा क्षेत्रलाई फेरी उठाउन थालेका छन् । मिरुना मगर, धीरज मगर, जसिता गुरुङ, सृष्टि श्रेष्ठ, प्राप्ति घिमिरे लगायत कलाकारहरू विदेशबाट आएर नेपाली सिने क्षेत्रमा सक्रिय छन् । निर्देशकहरू सुयोग गुरुङ, मिलन चान्स, सूर्य बोहोरा, फिडेल देवकोटा पनि प्रवासबाट फर्किएका सर्जक हुन्, जसले नेपाली सिनेमा क्षेत्रमा नयाँ तरंग ल्याएका छन् ।
चलचित्र निर्माता संघका अध्यक्ष नवल खड्काका अनुसार, यी कलाकारहरूले नेपालमा आफ्नो पहिचानभन्दा बढी सीप र लगानी भित्र्याउन ध्यान दिएका छन्। यसले नेपाली चलचित्रको विश्वव्यापीकरणमा पनि सघाउ पुर्याएको छ। खड्का भन्छन्, “पुराना कलाकारलाई धन्यवाद अनि नयाँलाई स्वागत छ ।"
विदेशिएका कलाकारहरूमध्ये केही अहिले पनि नेपाल फर्किएर चलचित्र क्षेत्रमा पुनः सक्रिय हुन थालेका छन् । अभिनेता सरोज खनाल, रमेश उप्रेती, दिलीप रायमाझी, जीवन लुइँटेललगायत कलाकारहरू आफ्नो करियरलाई पुनः जीवित पार्न नेपाल फर्किएका छन् ।
यस्तै, नेपाली सिनेमा उद्योगमा टिक्न धैर्यता र लामो समयसम्म निरन्तरता चाहिने अभिनेत्री वसुन्धरा भुसाल बताउँछिन् । “चलचित्रमा पाँच वर्ष मात्र काम गरेर हुँदैन। दुई दशक समर्पित भएर लागेपछि मात्र त्यसले उद्योगलाई योगदान दिएको मान्नुपर्छ,” उनी भन्छिन् ।
नयाँ पुस्ताका एनआरएन कलाकारहरूको आगमनसँगै नेपाली चलचित्रमा प्रतिस्पर्धा बढेको छ । यी कलाकारहरूले आधुनिक प्रविधि र सीप पनि भित्र्याएका छन्, जसले नेपाली सिनेमालाई अन्तर्राष्ट्रिय मञ्चमा पुर्याउने सम्भावना बलियो भएको छ ।
-1729593135.jpg)
-1731330003.png)
