माछा पालक किसान संघको केन्द्रय अध्यक्षमा उमेश गुप्ता चयन

स्थानीय

Home
स्थानीय
माछा पालक किसान संघको केन्द्रय अध्यक्षमा उमेश गुप्ता चयन

माछा पालक किसान संघको केन्द्रय अध्यक्षमा उमेश गुप्ता चयन

बारा । माछा पालक किसान संघ नेपालका केन्द्रीय अध्यक्षमा उमेश गुप्ता चयन भएका छन् ।

शनिबार बाराको परवानीपुरस्थित राष्ट्रिय कृषि अनुसन्धान केन्द्रमा सम्पन्न संघको प्रथम राष्ट्रिय सम्मेलनले गुप्तालाई सर्वसम्मत केन्द्रीय अध्यक्ष चयन गरेको हो । देशका २३ जिल्लाका माछा पालक किसानहरूको सहभागितामा सम्पन्न सम्मेलनले २७ सदस्यीय केन्द्रीय कार्यसमिति समेत सर्वसम्मत चयन गरेको छ ।

समितिका अन्य पदाधिकारीहरूमा केन्द्रीय उपाध्यक्षमा देवानन्द चौधरी, सचिवमा फागुलाल चौधरी, कोषाध्यक्षमा शिवहरि आचार्य र उपसचिवमा सुमन श्रेष्ठ चयन भएका छन् । नेकपा एमालेका स्थायी कमिटी सदस्य तथा पूर्वमन्त्री लीलानाथ श्रेष्ठको प्रमुख आतिथ्यतामा आयोजित सम्मेलनलाई एमाले पोलिटब्युरो सदस्य तथा पूर्वमन्त्री ज्वाला साह, पूर्वमन्त्री पुरुषोत्तम पौडेललगायतले सम्बोधन गरेका थिए ।

सम्मेलनपछि बसेको संघको पहिलो बैठकले भारतीय माछाको आयातका कारण स्वदेशी माछा पालक किसानले उचित बजार र मूल्य नपाएकाले भारतीय माछाको आयात रोक्न दबाबमूलक अभियान चलाउने निर्णय गरेको छ । साथै, किसान आयोगमा संघ दर्ता गराउने निर्णय पनि बैठकले गरेको अध्यक्ष गुप्ताले जानकारी दिए ।

प्रकाशित मिति: आइतबार, माघ १३, २०८१ १७:०६

यस वीरगंज सिटीमा प्रकाशित सामग्रीबारे कुनै प्रतिक्रिया, सल्लाह सुझाव वा कुनै लेख, रचना, समाचार प्रकाशित गराउनु परे [email protected] मा पठाउन सक्नुहुन्छ।

प्रतिक्रिया दिनुहोस्