राष्ट्रिय प्रजातन्त्र पार्टी (राप्रपा) का अध्यक्ष राजेन्द्र लिङ्देनले देशमा पुनः द्वन्द्व सिर्जना हुन नदिनका लागि जनताले राजसंस्थाको पुनःस्थापना चाहेको बताउनुभएको छ ।
पर्सामा आयोजित वृहत आमसभालाई सम्बोधन गर्दै उहाँले मुलुकको स्थिरता, अखण्डता, र राष्ट्रिय स्वाभिमानलाई बलियो बनाउन राजसंस्था अपरिहार्य रहेको बताए । अध्यक्ष लिङ्देनले राजसंस्थाको समाप्तिपछि देशमा राजनीतिक अस्थिरता, भ्रष्टाचार, विदेशी हस्तक्षेप, र अव्यवस्थाको चक्र सुरु भएकाले मुलुकलाई नयाँ संकटबाट जोगाउन पुनः राजसंस्था आवश्यक रहेको दाबी गरे । उनका अनुसार देशको स्थायित्वका लागि राजा जनताको साझा अभिभावकका रूपमा स्थापित हुनुपर्छ ।, "देशमा निषेधको राजनीति चलेको छ । सत्तासिन दलहरू विदेशीको प्रभावमा छन् ।
कांग्रेस, एमाले, माओवादी सबैले अब देशको दीर्घकालीन स्थायित्वका लागि सोच्नुपर्ने बेला आएको छ ।"
'राजा चुनाव लड्ने होइन, देशको संरक्षण गर्ने हो'
लिङ्देनले राजसंस्था भोटको राजनीति भन्दा माथि रहेको बताउँदै , "राजाले चुनाव लड्ने होइन, राजा देशको स्थायित्व, राष्ट्रिय एकता र विकासको बाटो पहिल्याउने अभिभावक हुनुहुन्छ ।
चुनावका लागि हामी जस्ता पार्टी प्रतिनिधिहरू छन्, तर देश हाक्ने काम राजाले गर्नुपर्छ ।" राप्रपा अध्यक्ष लिङ्देनले वर्तमान संविधानले जनताको चाहनालाई सम्बोधन गर्न नसकेको बताउँदै संविधान संशोधनमार्फत संवैधानिक राजसंस्था पुनःस्थापना सहित हिन्दु धर्मकाे स्थापना गर्नुपर्ने बताए । "हामी गणतन्त्रको नाममा थोपारिएको व्यवस्थालाई पुनः मूल्याङ्कन गर्नुपर्छ । गणतन्त्रका नाममा जनताको मौलिक अधिकार कुण्ठित गरिएको छ, विदेशी हस्तक्षेप बढेको छ, र विकासको गति रोकिएको छ ।"
पर्सामा आयोजित आमसभामा राप्रपाका केन्द्रीय सदस्यहरू, जिल्ला नेतृत्व, विभिन्न तहका कार्यकर्ता तथा समर्थकहरूको उपस्थित रहेको थियो ।
-1729995576.jpeg)
