घनश्याम मिश्र / धनुषा
एक्लो सहारा रहेका छोराको हत्या भएपनि अभियुक्तलाई पक्राउ नगरेको भन्दै जनकपुर– भिट्ठामोड सडकखण्डमा चक्काजाम गर्दै विरोध प्रदर्शन भएको छ ।
जनकपुरधाम उपमहानगरपालिका–२३ बिन्धीमा होलीको दिन साथीसँग होली खेल्दै गरेका १७ वर्षीय युवक आशु यादवको साथीले छुरा प्रहार गरी हत्या गरेको घटनाले स्थानीयवासी आक्रोशित भएका छन् ।
हत्या भएको १३ दिन बितिसक्दा पनि संलग्न अन्य अभियुक्तहरू पक्राउ नगरेको भन्दै मृतक परिवार र गाउँलेले बुधबार जनकपुर – भिट्ठामोड सडकखण्डमा चक्काजाम गर्दै विरोध प्रदर्शन गरिरहेका छन् । चैत्र १ गते होलीको दिन साँझ करिब ५ बजे आसु यादवलाई होली खेल्ने क्रममा सामान्य भनाभनपछि सँगै रहेका युवकले तीन स्थानमा छुरा प्रहार गरी गम्भीर घाइते बनाएका थिए ।
घाइते आशुलाई उपचारका लागि प्रादेशिक अस्पताल जनकपुरधाम ल्याउँदै गर्दा बाटोमै मृत्यु भएको अस्पतालका चिकित्सकले पुस्टि गरेका थिए ।
धनुषा प्रहरीले घटनालगत्तै मुख्य अभियुक्त धर्मेन्द्र महतोलाई पक्राउ गरे पनि घटनामा संलग्न अन्य छ जना व्यक्ति अझै फरार रहेका छन् ।
पीडित पक्षले सात जनाविरुद्ध किटानी जाहेरी दिए पनि धर्मेन्द्र महतोलाई मात्रै पक्राउ गरी राकेश महतो, प्रमोद महतो, रामदहिन महतो, बौवे लाल महतो, अशोक महतो, लच्छन महतोलाई पक्राउ नगरेको भन्दै पीडित परिवार आक्रोशित हुदैँ जनकपुर – भिट्ठामोड सडकखण्डमा चक्काजाम गर्दै विरोध प्रदर्शन गरिरहेका छन् । मृतक आशु यादवका बुबा पप्पू यादवको मृत्यु केही वर्षअघि भएको थियो । परिवारका एक मात्र छोरा रहेका आशुको हत्या भएपछि उनकी आमा अर्चना यादव भावविह्वल भएकी छिन् ।
किटानी जाहेरीमा सात जनाको नाम छ । मृत्क आशु यादवकी आमाले रुँदै भनिन्, घटनामा आरोपीहरू गाउँमा खुलेआम घुमिरहेका छन् न्यायको लागि हामीले सडकमा उत्रिनु परेकाे छ । घरमा दुई सानी बहिनीहरू नेहा र मेघा दाइको मृत्युसँगै अभिभावक विहीन बनेका छन् । पीडित परिवारले न्यायको माग गर्दै हत्यामा संलग्न सबैलाई तत्काल पक्राउ गर्न माग गरेका छन् ।
बुधबार बिहानैदेखि मृतकको परिवार र स्थानीयवासीले बिन्धी मुख्य चौकमा चक्काजाम गरेका छन् । प्रदर्शनकारीले प्रहरी प्रशासनले दोषीलाई संरक्षण दिएको आरोप लगाउँदै प्रदर्शन गरिरहेका छन् । प्रदर्शनका कारण जनकपुर – भिट्ठामोड सडक अवरुद्ध भएको छ । यसले गर्दा सयौँ सवारी साधन बीच बाटोमै अलपत्र परेकाे छ ।
धनुषा प्रहरीका अनुसार घटनाबारे थप अनुसन्धान भइरहेको छ ।
फरार रहेका अभियुक्तहरूलाई पक्राउ गर्न खोजीकार्य जारी रहेको प्रहरी उपरीक्षक भुवनेश्वर तिवारीले बताए । उनका घटनामा संलग्न रहेका एकजनालाइ पक्राउ गरेका छौँ । अरुहरु सबै फरार छन् पिडितले आरोपितका घरका सदस्य भएपनि पक्राउ गर्न भनिरहेका छन् । कानुनले त्यो मिल्दैन् । चक्काजाम बल प्रयोग गरेर भएपनि हामी अवरूद्ध सडक खोलाउँछौ ।
यता पिडितको समर्थनमा स्थानीयले एकताबद्ध भई प्रदर्शन गरिरहेका छन् । दोषीहरूलाई तत्काल पक्राउ नगरेको भन्दै प्रहरी प्रशासनसँग आक्रोश व्यक्त गरिरहेका छन् ।
छोराको हत्यामा अभियुक्त पक्राउ नगरेको भन्दै जनकपुर–भिट्ठामोड सडकखण्डमा विरोध प्रदर्शन
जग्गा विवाद बाबुको पक्राउ पुर्जि, प्रहरीकाे डर त्रासले SEE दिदैँ आएकी किशाेरीले गरीन यस्ताे
भन्सार कार्यालयको राजस्व सङ्कलनमा वृद्धि तर लक्ष्य अपुरै, तस्करी नियन्त्रण गर्न चुनौति
नाम चलेकै होटलमा किरा परेको दाल र बासी खाना मुख्यमन्त्री एक्सनमा
मधेश प्रदेश र स्थानीय तहबीचको लफडा – मुख्यमन्त्री अस्पताल बन्द गराउने, नगरपालिका खुलाउन अनुमति दिने
मधेशमा एसईई : परीक्षा निरीक्षक सहित दुई जना पक्राउ, चारजना जनालाई कार्वाही, ४ सय २४ वटा मोबाईल जफत
एसईई परीक्षार्थीले कुन प्रश्न कसरी लेख्ने ? विद्यार्थीलाई सफल बनाउन यसरी गरौँ
एसईई परीक्षा निष्पक्ष गर्न नमानेपछि प्रदेश सरकारले गर्यो बहिस्कार, कुनै प्रकृयामा भाग नलिने अडान !
-1729995576.jpeg)
